Como afecta o prezo de mercado ao valor dos teus excedentes solares e que podes facer para aproveitalo?

Cada vez son máis as persoas usuarias de autoconsumo que nos preguntan o mesmo sobre os seus excedentes solares:

Por que ás veces, se a miña instalación produce moito, o valor que acumulo polos excedentes solares é tan baixo?

A resposta ten que ver co prezo do mercado eléctrico, un compoñente chave do sistema de compensación simplificada de excedentes solares. E si, nalgúns momentos ese prezo pode chegar incluso a ser negativo.

Imos a che explicar en detalle por que acontece e como podes sacar o máximo partido á túa instalación de autoconsumo solar, en especial se tes batería virtual ou Wallet como a que poñemos ao teu dispor en Máis Enerxía.

Como funciona o modelo de compensación simplificada de excedentes solares?

Se tes unha instalación de autoconsumo con excedentes con compensación, a enerxía que non consomes vai á rede e compénsase na túa factura.

Pero esta compensación está limitada por ley: non pode superar o valor económico da enerxía que consomes da rede ese mesmo mes.

Ademais, no caso de que a túa tarifa sexa a prezo de mercado ou indexada o valor do kWh dos teus excedentes varía cada hora segundo os prezos do mercado (OMIE). Deste xeito nalgúns momentos será alto e noutros pode ser moi baixo se a oferta é maior que a demanda.

Por que pode ser negativo o prezo de mercado?

Nas horas centrais do día (das 13.00 ás 17.00 horas) e en especial na primavera e no verán danse unhas circunstancias cada vez máis comúns:

• A produción solar fotovoltaica acada o seu pico.
• A demanda eléctrica baixa porque hai máis luz natural e menos consumo industrial.
• A rede énchese de enerxía renovable sen suficiente demanda para a consumir.

O resultado? O prezo de mercado cae e mesmo pode chegar a estar por baixo de cero.

Isto coñécese como curva do pato ou duck curve. Non quere dicir que a túa enerxía non vale senon que nese xusto momento hai no sistema máis enerxía renovable da que se está a demandar.

Que acontece cos meus excedentes solares se o prezo é negativo?

Canndo isto acontece, o valor económico que acumulas polos teus excedentes tamén baixa. De feito nalgunhas ocasións pode chegar a ser tan baixo que a compensación sexa de só uns poucos céntimos malia que producises moitos excedentes.

Non se trata dun fallo da túa instalación de autoconsumo nin tampouco do teu Wallet. É simplemente unha consecuencia do deseño actual do mercado eléctrico europeo e de como se estrutura a compensación simplificada en España.

Como axuda a batería virtual?

En Máis Enerxía ofrecémosche unha batería virtual ou Wallet, que permite que o valor dos excedentes solares non se perda senon pode compensarse nas seguintes facturas.

Coa batería virtual podes:

• Acumular o valor económico dos teus excedentes mes a mes.
• Empregalo para compensar futuras facturas nos meses de menor produción.
• Aplicalo a outras das túas subministración de luz e gas.

Así, malia que o prezo horario do mercado sexa baixo en determinados momentos, segues a rendibilizar a túa inversión solar a medio e longo prazo.

Entón, ¿cal é a mellor época do ano para aproveitar os excedentes solares?

Aprimavera e o verán son sen lugar a dúbida as estacións máis importantes para a produción de enerxía a través de sistemas solares de autoconsumo polo maior índice de radiación e o incremento de horas de luz natural:

Grazas á batería virtual, podes converter esa sobreprodución estacional en aforro real durante todo o ano.

Que lles dicimos aos nosos clientes cando o valor acumulado é baixo?

Con total transparencia:

“A enerxía que xera a túa instalación de autoconsumo é moi valiosa xa que é limpa e contribúe á transición cara ás fontes de enerxía renovables. Pero nalgúns momentos o mercado está saturado. Por iso aínda que a túa produción sexa alta o valor económico pode verse afectado.”

“Ao contar coa nosa batería virtual, ese valor non se perde. Amacenámolo para ti e aplicámolo máis adiante, cando te beneficie máis.”

“Trata de axustar na medida do posible o teu consumo ás horas solares para maximizar o aproveitamento directo e reducir a dependencia do prezo de mercado. Ese é o verdadeiro potencial de autoconsumo solar.”

Conclusión

Se estás a ver que os teus excedentes solares valen menos do que agardabas, non estás só. Trátase dun fenómeno que afecta a todas as instalacións de autoconsumo solar que están conectadas á rede. Pero tamén é unha oportunidade: ao combinar autoconsumo cunha batería virtual podes optimizar o rendemento económico do teu sistema, mesmo en entornos de prezos negativos.

En Máis Enerxía traballamos para che ofrecer solucións flexibles e adaptadas ás túas necesidades para obteres o máximo aforro posible en cada momento ao tempo que contribúes a construírmos un futuro Máis limpo.

Aínda non tes batería virtual?

Contáctanos, descobre como activala hoxe mesmo e comeza a sacar máis partido da túa propia enerxía.

Falamos?