Cando de súpeto te quedas sen luz, é habitual dicir que “saltaron os chumbos”. Pero non todos os cortes teñen a mesma orixe. Nunha instalación eléctrica hai distintos dispositivos de protección e cada un actúa ante un problema diferente.

Se te preguntas por que saltan os chumbos, a causa pode ser un exceso de potencia, unha sobrecarga, un curtocircuíto ou unha fuga de corrente. Saber que dispositivo saltou é a clave para entender que está a ocorrer.

Por que saltan os chumbos?

Os tres dispositivos que máis adoitan confundirse son o ICP, o magnetotérmico e o diferencial. Aínda que todos poden provocar un corte de luz, a súa función non é a mesma:

  • ICP: controla que a potencia empregada non supere a potencia contratada.
  • Magnetotérmico: protexe cada circuíto da vivenda fronte a sobrecargas e curtocircuítos.
  • Diferencial: detecta fugas de corrente e axuda a protexer as persoas fronte a determinados contactos eléctricos.

Por iso, fixarse en que interruptor baixou pode dar unha primeira pista sobre a orixe do problema.

Que é o ICP e por que salta?

O ICP (Interruptor de Control de Potencia) está relacionado coa potencia contratada. A súa función é evitar que a instalación demande máis potencia da que tes contratada.

Por exemplo, se conectas ao mesmo tempo o forno, a vitrocerámica, a lavadora e outros electrodomésticos de elevado consumo, podes superar a potencia dispoñible. Nese caso, pódese producir un corte.

Nas instalacións actuais con contador dixital, a función do ICP adoita estar integrada no propio contador, polo que é posible que non atopes un interruptor independente no cadro eléctrico.

Se os cortes por exceso de potencia repítense, pode ser interesante revisar canta potencia tes contratada e canta necesitas realmente. Non se trata necesariamente de contratar máis, senón de comprobar que a potencia contratada axústase aos teus hábitos de consumo.

Magnetotérmico: que é e para que serve

Se buscaches “que é un magnetotérmicoo”, a resposta sinxela é esta: é un interruptor automático que protexe un circuíto eléctrico fronte a sobrecargas e curtocircuítos.

No cadro eléctrico adoita haber varios magnetotérmicos, cada un asociado a un circuíto concreto: iluminación, enchufes, cociña, lavadora, etc.

Pode saltar, por exemplo, se conectas demasiados aparellos a un mesmo circuíto ou se existe un curtocircuíto nun electrodoméstico, enchufe ou parte da instalación. Unha pista habitual é que non se vai necesariamente toda a vivenda: pode quedarse sen corrente unicamente unha zona ou un grupo de enchufes.

Se volves levantar o magnetotérmico e volve saltar inmediatamente, non convén insistir. Pode haber un problema nalgún dos aparellos conectados ou na propia instalación.

Diferencial eléctrico: que é e que protexe

O diferencial é un dispositivo de protección que detecta diferenzas entre a corrente que entra e a que sae dun circuíto. Cando detecta unha fuga de corrente cara a terra, desconecta a subministración para reducir o risco de determinados accidentes eléctricos.

No cadro adoita ser facilmente recoñecible porque normalmente ten un botón de proba, que pode aparecer identificado cun “T”.

O diferencial pode saltar se existe un problema de illamento nun electrodoméstico, se hai humidade ou se se produce unha fuga nalgún punto da instalación.

Unha situación bastante habitual é que o diferencial sáete ao conectar un aparello concreto. Se isto ocorre de forma repetida, convén desconectalo e non utilizalo ata comprobar cal é o problema.

Como saber que fixo saltar os chumbos?

Malia que cada instalación pode ser diferente, mirar o cadro eléctrico é o primeiro paso. Se baixou un magnetotérmico concreto, o problema pode estar relacionado con ese circuíto. Se saltou o diferencial, hai que pensar nunha posible fuga. E se o corte se produce cando utilizas moitos aparellos á vez, pode estar relacionado coa potencia dispoñible.

Que facer cando saltan os chumbos?

Antes de volver conectar todo, convén actuar con precaución:

  • Desconecta algúns electrodomésticos, especialmente os de maior potencia.
  • Comproba que chave baixou no cadro.
  • Se se trata dunha sobrecarga puntual, podes restablecer a chave seguindo as indicacións da túa instalación.
  • Se volve saltar inmediatamente, non a forces nin a conectes de forma repetida.
  • Si sospeitas que o problema está nun electrodoméstico, desconéctao e comproba se o circuíto volve funcionar.
  • Se hai cheiro a queimado, faíscas, cables danados, quecemento anormal ou humidade, evita manipular a instalación e contacta cun profesional

Cando hai que se preocupar porque salten os chumbos?

Que salte un dispositivo de protección de forma puntual non significa necesariamente que exista unha avaría grave. Pode tratarse simplemente dunha sobrecarga por utilizar varios aparellos ao mesmo tempo.

A situación cambia se o diferencial ou un magnetotérmico salta continuamente, mesmo despois de desconectar os aparellos. Nese caso, pode existir un fallo que debe de revisar un profesional.

Tampouco convén abrir o cadro eléctrico nin manipular os seus compoñentes internos. Os dispositivos de protección están precisamente para actuar ante situacións que poden ser perigosas.

E se o problema é a potencia contratada?

Se os cortes se producen principalmente cando utilizas varios electrodomésticos ao mesmo tempo, pode ser interesante revisar a potencia contratada.

En Máis Enerxíapodemos axudarche a comprobar se a potencia que tes contratada adáptase ás túas necesidades e aos teus hábitos de consumo. O noso obxectivo é que teñas claro que estás a pagar, que potencia necesitas e que opcións tes para adaptar o teu contrato ao teu consumo real. Porque entender por que saltan os chumbos é tamén unha forma de entender mellor como utilizas a enerxía en casa.

Cuestións frecuentes sobre os chumbos

Por que saltan os chumbos cando acendo varios electrodomésticos?

Pode deberse a que a demanda simultánea supera a potencia dispoñible. Tamén pode producirse unha sobrecarga nun circuíto concreto.

Que diferenza hai entre un magnetotérmico e un diferencial?

O magnetotérmico protexe principalmente os circuítos fronte a sobrecargas e curtocircuítos. O diferencial detecta fugas de corrente e actúa como protección fronte a determinados riscos eléctricos.

O ICP segue existindo nos contadores dixitais?

Nas instalacións actuais, a función do ICP adoita estar integrada no contador dixital, polo que non sempre atoparás un ICP independente no cadro.

Por que salta o diferencial e non o magnetotérmico?

Porque cada dispositivo detecta situacións diferentes. O diferencial responde a desequilibrios de corrente asociados a posibles fugas, mentres que o magnetotérmico actúa fronte a sobrecargas e curtocircuítos.

Podo volver subir un magnetotérmico que saltou?

Se saltou por unha sobrecarga puntual, pode ser posible restablecelo despois de reducir a carga. Se volve saltar, é mellor non insistir e buscar a orixe do problema.

Que fago se os chumbos saltan continuamente?

Se ocorre de forma repetida, convén identificar que dispositivo está a actuar e cal pode ser a causa. Cando o problema persiste, o recomendable é que un profesional cualificado revise a instalación.

Falamos?