Desde o 22 de marzo a luz e o gas viñan aplicando un IVE reducido do 10%, unha medida temporal para aliviar o impacto da crise enerxética derivada do conflito en Oriente Medio.

Aínda que durante estes meses supuxo un respiro real na factura de moitos fogares, coa moderación dos prezos da enerxía rexistrada en abril #activar automaticamente a cláusula que pon fin a esa rebaixa. A partir do 1 de xuño, o IVE da luz volve ao tipo xeral do 21%. O cambio afecta a todos os contratos domésticos cunha potencia contratada inferior a 10 kW, que é a situación da gran maioría de fogares en España.

Canto vai subir a miña factura?

O IVE é un imposto que fixa o Estado e que se aplica igual en todas as compañías. Non depende da comercializadora que teñas contratada nin da tarifa que elixises.

Para un fogar cunha factura basee duns 60 euros antes de impostos, o impacto conxunto do aumento do IVE (do 10% ao 21%) e da recuperación do Imposto Especial sobre a Electricidade (que pasa do 0,5% ao 5,11%) supoñerá ao redor de 10 euros máis ao mes. Iso equivale a un incremento de aproximadamente o 15% no custo total para o mesmo consumo de sempre.

Se tes contratados luz e gas, o aumento notarase nos dous recibos. Se só tes un das dúas subministracións, o impacto será algo menor, pero igualmente perceptible.

Por que pode aparecer xa na miña factura se o consumo é de maio?

Esta será probablemente a dúbida máis habitual nas próximas semanas: se o consumo é de maio, por que aparece xa o IVE de xuño? A razón está en como funciona a facturación enerxética. O IVE aplícase na data en que se emite a factura, non na data en que se consumiu a enerxía. Se a túa comercializadora pecha o período de facturación e emite o recibo en xuño, aplicará o IVE ao 21% aínda que o consumo incluído nesa factura corresponda a días de maio, cando aínda estaba en vigor o tipo reducido do 10%.

Isto non é algo que cada compañía decida pola súa conta. É o criterio que establece a normativa fiscal española para todas as subministracións de tracto sucesivo, como a luz e o gas, e aplícase por igual en toda España.

E se teño bono social?

Se es titular do bono social eléctrico ou do bono social térmico, estas axudas non se ven afectadas polo cambio fiscal. A túa protección como consumidor vulnerable mantense vixente ata o 31 de decembro de 2026, independentemente da volta do IVE ao tipo xeral.

Tes dúbidas sobre a túa factura?

Cando chegue o primeiro recibo co novo IVE aplicado, é posible que algo non te cadre a primeira vista: un importe máis alto do esperado, un tipo impositivo que non recoñeces, unha data que non coincide co período de consumo.

Se iso pasa, en Máis Enerxía revisámolo contigo. Sen contestadores automáticos, sen esperas. Chámanos ou escríbenos coa factura a man e explicámosche liña por liña.

Falamos?